ວັນທີ່ 23
ກໍລະກົດ 2018, ເຂື່ອນໄຟຟ້າເຊປຽນ-ເຊນໍ້ານ້ອຍ ທີ່ແຂວງອັດຕະປື ແຕກ ເປັນເຫດໃຫ້ມີຜູ້ສູນຫາຍ
100 ກວ່າຄົນ ແລະ 6,600 ກວ່າຄົນ ບໍ່ມີທີ່ຢູ່. ພາຍຫຼັງທີ່ເຂື່ອນແຕກ ລັດຖະບານລາວ
ກໍ່ໄດ້ອອກແຈ້ງການຂໍຄວາມຊ່ວຍເຫຼືອມາຍັງ ອົງກອນຈັດຕັ້ງລັດ, ເອກະຊົນ ແລະ ພາກສ່ວນອື່ນໆ
ທັງພາຍໃນ ແລະ ຕ່າງປະເທດ.
       ວັນທີ່ 30 ກໍລະກົດ
2018, ບໍລິສັດຫຼັກຊັບ ລາວ-ຈີນ ຈຳກັດ, ບັນດາຂາຮຸ້ນທັງຫຼາຍ, ພ້ອມດ້ວຍພະນັກງານ
ໄດ້ມອບເງິນຊ່ວຍເຫຼືອແກ່ຜູ້ປະສົບໄພນໍ້າຖ້ວນໃນຄັ້ງນີ້ ເປັນມູນຄ່າ 9,500,000 ກີບ
(ເກົ້າລ້ານຫ້າແສນກີບ) ເພື່ອເປັນການປະກອບສ່ວນໃນການບັນເທົາທຸກແກ່ຜູ້ປະສົບໄພນໍ້າຖ້ວມ
ທີ່ສະພາການຄ້າ ແລະ ອຸດສາຫະກຳ ແຫ່ງຊາດລາວ.


ທ່ານ ລິນລີ,
ຜູ້ອຳນວຍການ ບໍລິສັດຫຼັກຊັບ ລາວ-ຈີນ ຈຳກັດ, ເປັນຜູ້ຕາງໜ້າມອບເງິນຊ່ວຍເຫຼືອ ແລະ ໄດ້ສະແດງຄວາມເປັນຫ່ວງເປັນໄຍຕໍ່ປະຊາຊົນທີ່ໄດ້ຮັບຜົນກະທົບໃນຄັ້ງນີ້
ແລະ ຂໍເປັນກຳລັງໃຈໃຫ້ປະຊາຊົນພົ້ນຈາກໄພອັນຕະລາຍ ແລະ ສາມາດຟື້ນກັບສູ່ສະພາບປົກກະຕິໂດຍໄວ.


ໂອກາດນີ້ ທ່ານ
ດາວວອນ ພະຈັນທະວົງ, ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ, ໄດ້ສະແດງຄວາມຂອບໃຈມາຍັງບໍລິສັດຫຼັກຊັບ
ລາວ-ຈີນ ຈຳກັດ, ບັນດາຂາຮຸ້ນທັງຫຼາຍ ແລະ ພະນັກງານທຸກຄົນ ທີ່ເປັນຫ່ວງ ແລະ
ໃຫ້ຄວາມຊ່ວຍເຫຼືອມອບເງິນໃຫ້ກັບຜູ້ປະສົບໄພໃນຄັ້ງນີ້.