ໃນວັນທີ່
04 ກັນຍາ 2018 ບໍລິສັດຫຼັກຊັບ ລາວ-ຈີນ(ບລຈ) ຮ່ວມກັບລັດວິສະຫະກິດ ໂຮງງານຜະລິດຢາເລກ
3 ໄດ້ຮ່ວມກັນຈັດງານສຳມະນາແລກປ່ຽນຄວາມຮູ້ດ້ານການຊື້-ຂາຍຫຼັກຊັບ ໃຫ້ແກ່ຄະນະຜູ້ບໍລິຫານ
ໂຮງງານຜະລິດຢາເລກ 3 ທີ່ຫ້ອງປະຊຸມຂອງ ລັດວິສະຫະກິດ ໂຮງງານຜະລິດຢາເລກ 3.

ເຊິ່ງລັດວິສະຫະກິດ
ໂຮງງານຜະລິດຢາເລກ 3 ໄດ້ໃຫ້ກຽດເຂົ້າຮ່ວມໂດຍ ດຣ ນ. ມະນີວອນ ສີສະແຫວງສຸກ ຮອງຜູ້ອຳນວຍການລັດວິສະຫະກິດ
ໂຮງງານຜະລິດຢາເລກ 3 ແລະ ຄະນະພະແນກ, ເຊິ່ງ ບລຈ ເຂົ້າຮ່ວມໂດຍ ທ່ານ ລິນລີ
ຜູ້ອຳນວຍການ, ທ່ານ ບຸນທະວີ ສີດາວົງສ໌ ຮອງຜູ້ອຳນວຍການ ແລະ ທ່ານ ພົງສະຫວັດ ລືນາມ ຮັກສາການຫົວໜ້າພະແນກທີ່ປຶກສາດ້ານການລົງທຶນ,
ຈາກນັ້ນກໍ່ໄດ້ນຳສະເໜີວຽກງານກ່ຽວກັບຫຼັກຊັບໂດຍ ທ່ານ ພົງສະຫວັດ ລືນາມ,  ໂດຍໃນງານມີການນຳສະເໜີ
2 ຫົວຂໍ້ໃຫຍ່ ຈາກ ບລຈ ຄື: ຜົນປະໂຫຍດ ແລະ ເງື່ອນໄຂຂອງການອອກຈຳໜ່າຍຮຸ້ນໃຫ້ແກ່ມວນຊົນ
ແລະ ຜົນຕອບແທນຈາກການລົງທຶນໃນຫຼັກຊັບ. 

ພາຍໃນງານ
ຍັງໄດ້ມີການ ແລກປ່ຽນຄວາມຄິດເຫັນຫຼາຍບັນຫາກ່ຽວກັບທຸລະກິດຫຼັກຊັບ
ພ້ອມທັງໂອກາດໃນການຮ່ວມມືໃນອະນາຄົດ.