ໃນລະຫວ່າງວັນທີ 20-22 ມິຖຸນາ 2022 ທີ່ຜ່ານມາ ທ່ານ ປອ. ສຸດທິເດດ ບຸນລືໄຊ ຮອງຜູ້ອຳນວຍການ ບໍລິສັດຫຼັກຊັບ ລາວ-ຈີນ ຈຳກັດ (ບລຈ) ຮ່ວມກັບພາກສ່ວນກ່ຽວຂ້ອງ ຄື: ສຳນັກງານຄະນະກຳມະການຄຸ້ມຄອງຫຼັກຊັບ, ຕະຫຼາດຫຼັກຊັບລາວ,
ບໍລິສັດຫຼັກຊັບ ທຄຕລ-ກທ ຈຳກັດ ແລະ ບໍລິສັດຫຼັກຊັບ ລ້ານຊ້າງ ມະຫາຊົນ ໄດ້ເດີນທາງໄປທັດສະນະສຶກສາກ່ຽວກັບວຽກງານຕະຫຼາດທຶນ ຢູ່ທີ່ ນະຄອນຫຼວງຮ່າໂນ້ຍ, ສສ.ຫວຽດນາມ. 
ການໄປທັດສະນະສຶກສາໃນຄັ້ງນີ້, ຄະນະໄດ້ເຂົ້າເຂົ້າພົບປະກັບຄະນະນຳ ແລະ ຄະນະວິຊາການຈາກ
ຄະນະກຳມະການຄຸ້ມຄອງຫຼັກຊັບຂອງ ສສ.ຫວຽດນາມ, ຕະຫຼາດຫຼັກຊັບ ຮ່າໂນ້ຍ, ສູນຮັບຝາກຫຼັກຊັບ ແລະ ບໍລິສັດຫຼັກຊັບ FPT ຮຸ້ນສ່ວນ​ ຈຳກັດ​
ເພື່ອແລກປ່ຽນບົດຮຽນກ່ຽວກັບກົນໄກໃນການດຳເນີນງານຂອງແຕ່ລະພາກສ່ວນໃນຕະຫຼາດ UPcoM, ຊຶ່ງເປັນຕະຫຼາດຮອງສຳລັບບັນດາບໍລິສັດໃນການກຽມຄວາມພ້ອມກ່ອນເຂົ້າຈົດທະບຽນໃນຕະຫຼາດຫຼັກ
(ຕະຫຼາດຫຼັກຊັບ), ທັງນີ້ກໍ່ເພື່ອເປັນການແລກປ່ຽນປະສົບການ, ຖອດຖອນບົດຮຽນ ມາພັດທະນາຕະຫຼາດຮອງ ຫຼື PAM ຂອງ ສປປ ລາວ.