ປະຈຸບັນ ລັດຖະບານໄດ້ມີນະໂຍບາຍກ່ຽວກັບການສົ່ງເສີມການລົງທຶນພາກເອກະຊົນທັງພາຍໃນ ແລະ ຕ່າງປະເທດ ໃນຫລາຍຂະແໜງການເປັນຕົ້ນແມ່ນ ຂະແໜງໄຟຟ້ານ້ຳຕົກ,
ຂະແໜງບໍ່ແຮ່, ກະສິກຳປ່າໄມ້ ແລະ ອື່ນໆ ຊຶ່ງປະຈຸບັນການລົງທຶນພາກເອກະຊົນກວມປະມານ 22% ຂອງລວມຍອດຜະລິດຕະພາຍໃນ (GDP).
      ທ່ານນາງ ທະວີຈັນ ທ່ຽງເທບວົງສາ, ຫົວໜ້າພະແນກນິຕິກໍາ, ກົມສົ່ງເສີມການລົງທຶນ, ກະຊວງແຜນການ ແລະ ການລົງທຶນ ໄດ້ໃຫ້ຮູ້ວ່າ ພາຍຫລັງການປັບປຸງກົດໝາຍວ່າດ້ວຍການ
ລົງທຶນໃນວັນທີ 5 ມິຖຸນາ 2014 ເພື່ອບັນລຸເປົ້າໝາຍໃນການປະຕິບັດແຜນພັດທະນາເສດຖະກິດ-ສັງຄົມ ແລະ ເຮັດໃຫ້ປະເທດຊາດຫລຸດພົ້ນອອກຈາກຄວາມດ້ອຍພັດ ທະນາ ໃນປີ 
2020 ນັ້ນຕ້ອງໄດ້ມີການສົ່ງເສີມການລົງທຶນທັງພາຍໃນ ແລະ ຕ່າງປະເທດໃຫ້ຫລາຍຂຶ້ນ, ຊຶ່ງໃນການປັບປຸງກົດໝາຍວ່າດ້ວຍການລົງທຶນໃນປີ 2009 ແມ່ນໄດ້ສ້າງລະບຽບຫຼັກການ
ໃຫ້ມີຄວາມສະດວກໃນການລົງທຶນຂອງພາກເອກະຊົນທັງພາຍໃນ ແລະ ຕ່າງປະເທດ, ຫລຸດຜ່ອນຂັ້ນຕອນໃນການລົງທຶນໃຫ້ໄວຂຶ້ນ.  
ນັບແຕ່ປີ 1988 ເຖິງປະຈຸບັນ ການລົງທຶນພາກເອກະຊົນພາຍໃນ ແລະ ຕ່າງປະເທດ ໃນ 15 ຂະແໜງ ການ ລວມມີ 4.492 ໂຄງການ. 
ແຫຼ່ງທີ່ມາຂອງຂ່າວ : http://www.kpl.net.la